Sponsored

Planning & Preparing

Discussion in 'Pregnancy' started by Rawalika, Nov 16, 2012.


Sponsored
  1. Rawalika

    Rawalika Contributor

    Messages:
    3,022
    Likes Received:
    29
    Trophy Points:
    0
    • Planning to get Pregnant
    • Early Pregnancy Planning
    • Planning During Your Pregnancy
    • Preparing for Baby's Arrival

    For all the Above Stated Topics u can find articles in the following link


     
     
  2. Rawalika

    Rawalika Contributor

    Messages:
    3,022
    Likes Received:
    29
    Trophy Points:
    0
    வலி இல்லாப் பிரசவத்துக்கு 3 வழிகள்!

    வலி இல்லாப் பிரசவத்துக்கு 3 வழிகள்! (Thanks to Vikatan)​


    ''விகாஷ், நாம எதிர்ப்பார்த்த குட் நியூஸ் சொல்லப்போறேன்...'' -மானஸி இப்படி ஆரம்பித்தபோதே விகாஷ§க்கு அந்த சந்தோஷ செய்தி தெரிந்துவிட்டது. இருவரின் மகிழ்ச்சிக்கும் அளவில்லை. உடனே டாக்டரிடம் போக வேண்டும் என்று விகாஷ் பரபரத்தான். அடுத்தடுத்த தினங்களில் டாக்டரும் கர்ப்பத்தை உறுதி செய்துவிடவே, இருவருக்கும் அளவில்லாத மகிழ்ச்சி. தன்னுடைய கர்ப்ப காலத்தின் ஒவ்வொரு நொடியையும் பயமற்றதாகவும் சந்தோஷமாகவும் அனுபவிக்க நினைத்தாள் மானஸி. இது சாத்தியமா என்று சான்று அளிக்கப்பட்ட குழந்தைப்பேறு பயிற்சியாளர் ரேகா சுதர்சனிடம் கேட்ட போது 'நிச்சயமாக!’ என்றார். 'சுகமான பிரசவத்துக்கு அடிப்படை முறைகள்’ சரியாக உட்காருதல், நடைபயிற்சி, உடற் பயிற்சி மற்றும் மூச்சுப் பயிற்சி. இவை மூலம் மனம் மற்றும் உடலை அந்த முக்கிய நிகழ்வுக்குத் தயார்ப்படுத்திவிடலாம்’ என்று சொல்லி அந்தப் பயிற்சிகளை எப்படி செய்ய வேண்டும் என்று ஒரு செயல் முறை விளக்கமும் கொடுத்தார்.

    அந்தப் பயிற்சிகள் மானஸிக்கு மட்டும் அல்ல... கர்ப்பம் சுமக்கும் அத்தனை பெண்களுக்கும் அவசியம்!

    உட்காரும் நிலை:​


    கர்ப்பிணிகள் சம்மணம் போட்டு, முதுகுத் தண்டு நேராக இருக்கும்படி அமர்ந்து இரண்டு கைகளையும் கால் முட்டியின் மீது வைத்து அமர்வது ஆரோக்கியத்தை தரும். எவ்வளவு முடியுமோ அவ்வளவு நேரம் உட்காரலாம். இதனால், தண்டுவடத்தின் வலது பக்கத்தில் செல்லும் 'பெருஞ்சிரை’ எனப்படும் ரத்த நாளம் தூண்டப்பட்டு ரத்த ஓட்டம் சீராகி தாய்-சேய் இருவருக்கும் புத்துணர்ச்சி ஏற்படும்.

    நடைப் பயிற்சி​


    கர்ப்பம் உறுதி செய்யப்பட்டவுடன் தினமும் அதிகாலையில் 30 முதல் 40 நிமிடங்கள் வரை நடப்பது நல்லது. நடக்கத் தொடங்கும் முன்பு அரை டம்ளர் பால் அல்லது பாதி ஆப்பிள் சாப்பிடலாம். தாகம் எடுக்கும் போது சிறிது தண்ணீர் அல்லது இளநீர் குடிக்கலாம்.

    மூச்சுப் பயிற்சி​


    தரையில் நேராக அமர்ந்து, கட்டைவிரல்களால் இரண்டு காதுகளையும் மூடும் அதே நேரத்தில், ஆட்காட்டி மற்றும் நடு விரல்களால் கண்களை மூடியபடி... மூச்சை மெதுவாக உள்ளிழுக்கவும். உள்ளிழுத்த மூச்சை 'ஓம்' என்று சொல்லியபடி மெல்ல வெளியே விட வேண்டும். இப்படி ஐந்துமுறை தொடர்ந்து செய்யவும்.

    கால் முட்டிக்குப் பயிற்சி:​


    [​IMG]

    • தரையில் கால்களை அகட்டி நில்லுங்கள்.
    • கைகளைக் கோத்தபடி முன்னால் கொண்டு வாருங்கள்.
    • படத்தில் காட்டி இருப்பது மாதிரி கால் முட்டிகளை மடக்குங்கள்.
    • பழைய நிலைக்கு இப்போது மீண்டும் வாருங்கள். இந்தப் பயிற்சியை ஐந்து முறை செய்யுங்கள்.
    • நின்றபடி இந்தப் பயிற்சியைச் செய்ய முடியாதவர்கள் நாற்காலியில் அமர்ந்தும் செய்யலாம்.

    பலன்: ​


    பிரசவத்தின்போது மூட்டுப் பகுதியில் ஏற்படும் பிளவுகளைக் குறைக்கும். ஆழ்ந்த உறக்கத்தைத் தந்து மன அழுத்தத்தைக் குறைக்கும். இதயத்தை உறுதியாகச் செயல்பட வைக்கும். முக்கியமாக வலி குறைந்த பிரசவத்துக்கு வழி வகுக்கும்.

    பட்டாம்பூச்சி பயிற்சி:​


    [​IMG]


    முதுகுத் தண்டு நேராக இருக்கும்படி தரையில் அமர்ந்து கொள்ளுங்கள். நேராகப் பார்த்தபடி இரு கைகளையும் கால் முட்டியில் வையுங்கள். இரண்டு கால் பாதங்களையும் (படத்தில் காட்டி இருப்பது போல) ஒன்றை ஒன்று பார்ப்பதுபோல அருகே கொண்டு வாருங்கள். அந்நிலையிலேயே இரண்டு கால்களின் முட்டிப் பகுதியையும் அகட்டி விரியுங்கள். அதற்குப் பிறகு கால்களை முதலில் இருந்த நிலைக்கு கொண்டு செல்லுங்கள். இதுபோல் ஐந்து முறை செய்யுங்கள்.

    பலன்: ​


    இந்தப் பயிற்சி செய்வதன் மூலம் உடலின் ஆற்றல் அதிகரிக்கும். எதையும் கட்டுப்படுத்தும் ஆற்றலை மனம் பெறும். மூளையில் சுரக்கும் 'எண்டார்ஃபின்’ எனும் இயற்கை வலி நீக்கி (Pain Killer) அதிகமாகச் சுரந்து உடலும் மனமும் லேசாகும்.

    ஒரு பக்கமாகக் கால் உயர்த்துதல்:​


    [​IMG]


    தரையில் ஒருக்களித்துப் படுத்துக்கொள்ளுங்கள். வலது கையை தலையின் அடியில் வைத்துக்கொண்டு இடது கையை மார்புக்கு நேரே தரையில் ஊன்றிக் கொள்ளுங்கள். வலது காலை 'எல்’ வடிவத்தில் மடித்து வையுங்கள். மூச்சுக் காற்றை உள் இழுத்தபடி இடதுகாலை மேலே உயர்த்துங்கள். மூச்சுக் காற்றை வெளியே விட்டபடி காலைத் தரையோடு தரையாக இறக்கி விடுங்கள். இதேபோல் ஐந்து தடவை செய்யுங்கள். இதை ஒரு பக்கமாகச் செய்தால் மட்டும் போதும். இடது காலை உயர்த்தி இந்த உடற்பயிற்சியை செய்ய வேண்டியது இல்லை.

    பலன்:

    இடுப்பு மற்றும் முதுகுப் பகுதியை பலப்படுத்தும். பிரசவ நேரத்தில் முதுகு இடுப்புப் பகுதிகளில் ஏற்படும் சிறு வலிகளை தடுக்கும். தொடை இடுப்புத் தசைகளை இலகுவாக்கும். கர்ப்ப நேரத்தில் பாதங்களில் ஏற்படும் வீக்கத்தை விரட்டும்.

    இடுப்பு வலி குறைய...​


    • 'V’ வடிவத்தில் முடிந்த வரையில் கால்களை விரித்து உட்காருங்கள்.
    • இரண்டு கைகளையும் கோத்து உள்ளங்கைகள் நன்றாக தரையில் பதியச் செய்யுங்கள்.
    • இப்போது மூச்சை உள் இழுத்தபடி கைகளைத் தலைக்கு மேல் உயர்த்துங்கள்.

      [​IMG]
    • அப்படியே இடது பக்கமாக உடம்பை சாயுங்கள்.
    • மூச்சை மெல்ல வெளியே விட்டபடி மீண்டும் நேராக உட்கார்ந்து கையை மீண்டும் தரையில் வையுங்கள்.
    • இடது பக்கமாகச் செய்த இந்தப் பயிற்சியை இப்போது வலது பக்கமாகச் சாய்ந்து செய்யுங்கள்.
    • இதுபோல இடது வலது என்று மாற்றி மாற்றி ஐந்து முறை இந்தப் பயிற்சியைச் செய்யுங்கள். உள்ளங்கையை உடலில் இருந்து எவ்வளவு தள்ளி வைத்து இதைச் செய்ய முடியுமோ... அவ்வளவு தள்ளி வைத்துச் செய்யுங்கள்.
    • முடியவில்லை என்றால் அப்படியே நிறுத்திவிட்டுக் கைகளை உயர்த்தாமலேயே காலை மட்டும் அகட்டியபடி மூச்சை உள்ளிழுத்து வெளியே விடுங்கள்.


    பலன்:

    பெருங்குடல், சிறுகுடல் ஆகியவற்றின் வேலையைச் சீராக்கி, மலச்சிக்கல் பிரச்னைகளைக் குறைக்கும். இடுப்பு, தொடை பின்பக்கப் பகுதிகளில் உள்ள தசைகளை இறுக்கமடையச் செய்து, இடுப்பு வலியைக் குறைக்கும். மேலும் வயிறு மற்றும் இடுப்பு எலும்புகளைச் சுற்றி இருக்கும் தசைப்பகுதிகள் நன்றாக இழுக்கப்பட்டு அதன் சுருங்கி விரியும் தன்மை அதிகமாகும். அதனால், பிரசவ வலியில் பெண்கள் முக்கும்போது ஏற்கெனவே பயிற்சி பெற்ற அந்தத் தசைப்பகுதிகள் நன்றாக ஒத்துழைத்து சுகப்பிரசவம் நடக்கும்.


    நேரமும் காற்றும்!

    • இந்தப் பயிற்சிகளைச் செய்ய உகந்தது காலை நேரம்தான். குறிப்பிட்ட நேரத்தில் தினமும் செய்வது நல்லது.
    • நடைபயிற்சி முடிந்து அரைக் குவளை பால் அல்லது வெதுவெதுப்பான தண்ணீர் குடித்த பின்னர் இதைத் தொடங்கலாம்.
    • பயிற்சி தொடங்கும் முன் நல்ல காட்டன் துணி விரிப்பையோ அல்லது பாயையோ விரித்துக் கொள்ளுங்கள்.
    • அறையில் காற்றோட்டம் அவசியம்.
    • மனதை ஒருமுகப்படுத்த இனிய வாத்திய இசையை ரசிக்கலாம்.
    • இங்கு சொல்லப்பட்ட பயிற்சிகள் யாவும் பொதுவானவை. ஒவ்வொருவரின் உடல்வாகு, உடல்நிலை மற்றும் கர்ப்பநிலை உள்ளிட்ட சில காரணங்களைப் பொறுத்துப் பயிற்சிகள் மாறலாம். எனவே மருத்துவரிடம் பரிசோதித்துவிட்டு அவரின் பரிந்துரைக்குப் பின்னரே இதை மேற்கொள்ள வேண்டும். கர்ப்பகாலத்தில் ரத்தப்போக்கு, திடீரென வாந்தி, தலைசுற்றல், மூச்சிரைப்பு உள்ளவர்கள் கண்டிப்பாக மருத்துவரின் ஆலோசனைக்குப் பிறகே இந்தப் பயிற்சிகளைச் செய்ய வேண்டும்.



    எப்போது தொடங்கலாம்?

    கர்ப்பமான நான்காவது மாதத்தின் தொடக்கத்தில் இருந்து உடற்பயிற்சிகளை ஆரம்பித்துவிடலாம். வாரத்தில் ஐந்து நாட்கள் இதைச் செய்யலாம். உங்கள் மகப்பேறு மருத்துவர் அளிக்கும் ஆலோசனைப்படி உடற்பயிற்சி இருக்க வேண்டும். வித்தியாசமான வலி அல்லது உடற்பயிற்சி செய்ய முடியாத அளவுக்கு மூச்சுத் திணறல் ஏதேனும் இருந்தால், அந்த உடற்பயிற்சியை உடனடியாக நிறுத்திவிட்டு உங்கள் மகப்பேறு மருத்துவரைத் தொடர்புகொள்ள வேண்டும்.
     
     
  3. Jlatha

    Jlatha Contributor New wings

    Messages:
    1,783
    Likes Received:
    1,010
    Trophy Points:
    113
    கர்ப்பிணிப் பெண்களின் உணவுப்பழக்கங்கள்...

    எந்த ஒரு நல்ல விஷயத்துக்கும் முன்னால, அதைப்பத்தித் திட்டமிடறோம் இல்லையா? குழந்தைப் பிறப்பும் அப்படித்தான். குழந்தை வேணும்னு முடிவெடுத்ததும், இன்னொரு உயிரை சுமக்க தன் உடம்பு பூரணத் தகுதியோட இருக்காங்கிறதை ஒவ்வொரு பெண்ணும் பார்க்கணும். ஒரு முழு மருத்துவப் பரிசோதனை நல்லது. குறிப்பா ஆர்ஹெச் நெகட்டிவ் ரத்தப் பிரிவு உள்ள தம்பதி, குழந்தையைப் பத்தி யோசிக்கிறதுக்கு முன்னாடி, மருத்துவர் ஆலோசனையைக் கேட்கணும். ரத்தசோகை உள்ள பெண்களும், அதை சரிப்படுத்திக்கிட்ட பிறகு கர்ப்பம் தரிக்கிறது பாதுகாப்பானது.

    சரி, கர்ப்பம் தரிச்சாச்சு.... அம்மாவும் குழந்தையும் ஆரோக்கியமா இருக்க சாப்பாட்டுல எந்தளவு கவனம் செலுத்தணும்?

    வாந்தி, தலைசுற்றல், மசக்கை- இதெல்லாம் எல்லா கர்ப்பிணிப் பெண்களுக்கும் சகஜம். பலருக்கு முதல் 3 மாசத்தோட இதெல்லாம் நின்று போகலாம்; சிலருக்கு பிரசவம் வரைக்கும் தொடரலாம். எதைச் சாப்பிட்டாலும் வாந்தி எடுக்கிறவங்க, ஒரு கட்டத்துல அதுக்குப் பயந்து எதையுமே சாப்பிடாம இருப்பாங்க. அது ரொம்பத் தப்பு. வாந்தியின் மூலமா வெளியேறும் சத்தை ஈடுகட்ட, நிறைய திரவு உணவுகள் சாப்பிடணும். ஜூஸ், நீர்மோர் நல்லது. கூடவே உப்பு பிஸ்கட் எடுத்துக்கலாம். காலை உணவில் கட்டாயமா காய்கறியும் பழமும் இருக்கணும். புரதச்சத்து ரொம்ப முக்கியம் என்பதால், அதைக் கொடுக்க காய்கறிகளும் பழங்களும் அவசியம்.

    கருவில் உள்ள குழந்தையோட மூளை வளர்ச்சிக்கு உதவக்கூடிய அமினோ அமிலம், புரதச்சத்து மூலமாதான் கிடைக்கும். 3 விதப் பருப்பு கலந்த உணவு உதவும். ஒரு கப் சுண்டல், 2 கப் தயிர் எடுத்துக்கலாம். கால்சியம் தேவையைப் பூர்த்தி செய்ய, பால், தயிர், பனீர், சீஸ் சேர்த்துக்கலாம். கர்ப்பத்தோட முதல் 3 மாசத்துல ஃபோலிக் அமிலம் போதுமான அளவுக்குக் கிடைக்காததால, டாக்டர் அதுக்கான மருந்து மாத்திரைகளைக் கொடுப்பாங்க. கரு நல்லபடியா உருவாக அது உதவும். இதோட கீரை, பச்சைக் காய்கறி சாலட், முழுப்பயறு எல்லாம் சேர்த்துக்கணும்.

    மசக்கையின் காரணமாக புளிப்பும் காரமுமா சாப்பிடத்தோணும். அதுக்காக ஊறுகாய் சாதமும், அப்பளமும், சிப்ஸூமா சாப்பிடறது ரொம்பவே தப்பு. சூப், பொரியும் பச்சைக் காய்கறியும் சேர்த்த சாலட், பெருங்காயம் அதிகம் தாளித்த உணவு, இஞ்சி சேர்த்த தண்ணீர்- இதெல்லாம் வாந்தியைக் குறைக்கும். வாய்க்கும் இதமா இருக்கும்.

    4, 5, 6 மாசங்கள்ல ஹைப்பர் டென்ஷன் வரலாம். பிபி எகிறும். தற்காலிகமா சிலருக்கு நீரிழிவு வரலாம். பெரும்பாலும் அந்த நீரிழிவு பிரசவத்துக்குப் பிறகு போயிடும். ஆனா, பிற்காலத்துல நீரிழிவால பாதிக்கப்படலாங்கிறதுக்கான ஒரு எச்சரிக்கை மணியாவும் அதை எடுத்துக்கலாம். மாசத்துக்கு ஒரு கிலோ எடை ஏறினா போதும். மொத்த கர்ப்ப காலத்துல 10 கிலோ எடை கூடினா போதும். ரெண்டு பேருக்குனு சேர்த்து அளவுக்கதிகமா சாப்பிடறது அனாவசியமானது.

    கடைசி 3 மாசங்கள்ல மிதமான நடை நல்லது. கால்கள்ல நீர் சேரும்போது, நிறைய தண்ணீர் குடிக்கணும். மலச்சிக்கல் வராமலிருக்க நார்ச்சத்துள்ள காய்கறி, பழங்களையும், உலர் பழங்களையும் சாப்பிடணும். மொத்தத்துல ரத்தசோகை, ரத்த அழுத்தம், நீரிழிவு- இந்த மூன்றிலிருந்தும் காப்பாத்திக்கிட்டாலே, கர்ப்பகாலம் நல்லபடியா இருக்கும்.

    கருவிலிருக்கும் குழந்தைக்கும், தாய்க்குமான ஆரோக்கிய உறவு, பிரசவத்துக்குப் பிறகும் தாய்ப்பால் வழியா தொடரும். கர்ப்பம் சுமக்கிறப்ப இருக்கிற அதே அக்கறை, பிரசவத்துக்குப் பிறகும் அவசியம். தாய்ப்பால் கொடுக்கிறதுக்கு முன்னாடி, ஒரு டம்ளர் வெதுவெது தண்ணீர் குடிக்கலாம். வழக்கத்தைவிட ஒன்றரை முதல் 2 டம்ளர் பால் அதிகம் குடிக்கலாம். கேழ்வரகு, பூண்டு, பாதாம்- இதெல்லாம் பால் சுரப்பை அதிகப்படுத்தும். தாய்ப்பால் கொடுக்கிற காலத்துலயும் அம்மாவுக்கு கால்சியமும் இரும்பும் கூடுதலா தேவைங்கிறதால, நிறைய காய்கறி, பழங்கள் அவசியம்.

    பிரசவத்துக்குப் பிறகு கூடும் உடல் எடையானது, அத்தனை சீக்கிரம் குறையறதில்லைங்கிறதால, உடற்பயிற்சி ரொம்ப அவசியம். மூச்சை உள்ளிழுத்த நிலையில் வயிறை பலூன் மாதிரி விரிக்கணும். எத்தனை நிமிஷம் முடியுமோ, அப்படியே வச்சிருந்துட்டு, மூச்சை வெளியே விட்டபடி, வயிற்றை சுருக்கணும். தினம் 40 முறை இப்படிச் செய்தா, வயிறு குறையும்.
     
     
  4. Kani

    Kani Wings

    Messages:
    771
    Likes Received:
    0
    Trophy Points:
    0
    Hi rawalika,jlatha

    Thanks for the information.indha Infos ellorukum thevayana ondru
     
     
  5. Rawalika

    Rawalika Contributor

    Messages:
    3,022
    Likes Received:
    29
    Trophy Points:
    0
    Hi Kani

    Thanks pa. yes as u said these are very useful information.
     
     
  6. kohul

    kohul Wings New wings

    Messages:
    353
    Likes Received:
    34
    Trophy Points:
    28
    Hi rawalika&jlatha;
    Thanks 4 u'r info.....
     
     
  7. Rawalika

    Rawalika Contributor

    Messages:
    3,022
    Likes Received:
    29
    Trophy Points:
    0
    Hi Kohul

    thanks pa
     
     
  8. SudhaPrem

    SudhaPrem Contributor

    Messages:
    5,317
    Likes Received:
    35
    Trophy Points:
    38
    Hi Rawalika,Latha
    Thanks for very useful informations.
     
     
  9. SudhaPrem

    SudhaPrem Contributor

    Messages:
    5,317
    Likes Received:
    35
    Trophy Points:
    38
    குழந்தை புத்திசாலியாகப் பிறப்பதற்கான சூழலை நம்மால் நிச்சயம் உருவாக்க முடியும்!!!!

    இதுபுத்திசாலிகளுக்கான காலம்! பிறக்கிற குழந்தை புத்திசாலி-யாக, ஆரோக்கியமாக இருக்க வேண்டும் என்பது எல்லாப் பெற்-றோர்களின் கனவு! கர்ப்பத்தில் இருக்கும் குழந்தையின் ஆரோக்கியத்துக்காக தாய் உணவு எடுத்துக்கொள்வது சரி; ஆனால், அது எந்த அளவுக்குக் குழந்தையின் புத்திசாலித்தனத்தைத் தீர்மானிக்கும்?

    ‘‘கரு உருவான 20வது நாளில் வளர ஆரம்பிக்கும் மூளை, 28வது நாளுக்குள்ளேயே அந்தக் குழந்தை அதன் வாழ்நாள் முழு வதும் எப்படி இருக்க வேண்டும் என்பதற்-கான அடித்தள வேலை-கள் மொத்தத்தையும் முடித்துவிடுகிறது. இதனால், கர்ப்பம் தரிப்பதற்கு முன்பே பெண் ஆரோக்கியமான உணவு எடுத்துக்கொள்வது அவசியம் என்று இப்போது கண்டுபிடித்திருக்கிறார்கள். கொஞ்சம் மெனக்கெட்டால் குழந்தை எப்படிப் பிறக்க வேண்டும் என்பதை நாமே தீர்மானிக்கலாம்’’ .

    ‘‘குழந்தை புத்திசாலியாகவும் சுறுசுறுப்பாகவும் இருப்பது, முதல் ஒரு மாத காலத்தில் கிடைக்கிற ஆரோக்கியத்தைப் பொறுத்துதான் அமைகிறது. கர்ப்ப காலத்தில் ஏற்படுகிற நீரிழிவு நோய், தைராய்டு சுரப்பியில் உண்டாகிற ஏற்ற இறக்கம், சரியான ஊட்டச்சத்து இல்லாமை… இவை எல்லாம் குழந்தையின் மூளை வளர்ச்சியைத் தடை செய்யக்கூடியவை. ‘ருபெல்லா’ என்பது மூளை வளர்ச்சியைப் பாதிக்கக்கூடிய ஒரு வகை வைரஸ். பெண் குழந்தை பிறந்த 15வது மாதத்திலேயே, அதற்கு ‘ருபெல்லா வேக்சினேஷன்’ எனப்படும் தடுப்பு ஊசி போட வேண்டும். அதே போல் அவளுடைய 15வது வயதில் மீண்டும் அதே தடுப்பு ஊசி போட வேண்டும். இது அந்தக் குழந்தையின் உடலில் ருபெல்லாவை எதிர்ப்பதற்கான சக்தியைக் கொடுக்கும். பின்-னாளில் அவள் பெரியவளாகி கர்ப்பம் தரிக்கும்போது, அந்தக் கருவின் மூளை வளர்ச்சி நல்லபடியாக இருப்பதற்குத்தான் இத்தனை முன்னேற்பாடு! இந்தியாவில் இன்னும் இந்த ருபெல்லா தடுப்பூசி கட்டாயம் ஆக்கப்படவில்லை. இப்படிப் பெண் குழந்தைகளுக்காக ஒரு ஸ்பெஷல் தடுப்பூசி இருப்பதே நம்மில் பலருக்குத் தெரியாது.

    ருபெல்லா வைரஸால் பாதிக்கப்படுகிற குழந்தையின் தலை சின்னதாக இருக்க வாய்ப்புகள் அதிகம். கண் பார்வை குறைய-லாம். மூளை நரம்புகளுக்கு இடையேயான தகவல் தொடர்புச் செயல்பாடு குறைவாக இருக்கும்.

    இருபது நாள் கருவில் வளர ஆரம்பிக்கும் மூளை, ஏழு வயது ஆகும்போது கிட்டத்தட்ட 95 சதவிகிதம் வளர்ச்சி அடைந்து விடுகிறது. குழந்தை பிறந்ததும் தாய்ப் பால் கொடுக்கும்படி கட்டாயப்படுத்துவதற்குக் காரணம், அதில் இருக்கும் புரதம் உள் ளிட்ட சத்துக்கள், மூளை வேகமாக இயங்கத் தூண்டுதலாக இருக்கும் என்ப தால்தான். இசையைக் கேட்டுக்கொண்டே இருக்கும் தாய்க்கு பிறக்கும் குழந்தையின் மூளை வளர்ச்சி வேகமாக இருப்பதோடு, மூளையின் கிரகிக்கும் திறனும் அதிகமாக இருக்கும் என்று ஹங்கேரியில் நடந்த ஒரு ஆராய்ச்சியில் கண்டுபிடித்திருக்கிறார்கள்.

    பிறக்கப்போகும் குழந்தை ஆணா, பெண்ணா என்பதை நாம் தீர்மானிக்க முடியாது. ஆனால், ஆணோ, பெண்ணோ… அந்தக் குழந்தை புத்திசாலியாகப் பிறப்பதற்கான சூழலை நம்மால் நிச்சயம் உருவாக்க முடியும்!
     
     
  10. Kani

    Kani Wings

    Messages:
    771
    Likes Received:
    0
    Trophy Points:
    0
    Hi sudha,

    Thanks for the informations.
     
     

Share This Page