Sponsored

Women Entrepreneurs - Success Stories

Discussion in 'Women Entrepreneurs' started by Rawalika, Nov 30, 2012.


Sponsored
  1. Rawalika

    Rawalika Contributor

    Messages:
    3,022
    Likes Received:
    29
    Trophy Points:
    0
    வெற்றிப்படியாக மாறிய மிதியடி !


    Thanks to Vikatan - வே.கிருஷ்ணவேணி / படங்கள்: கே.ராஜசேகரன், என்.ஜி.மணிகண்டன்

    [​IMG]

    ''வீட்டுச் செலவை சமாளிக்க முடியாம வழி தேடினப்போ, கால் மிதியடி தொழில் பற்றித் தெரிய வந்தது. தன்னம்பிக்கையோட செய்தேன். நாலு பேருக்கு வேலை கொடுக்கற அளவுக்கு முன்னேறியிருக்கேன். ப்ளஸ் டூ படிச்ச நான், இப்போ மாசம் பத்தாயிரம் சம்பாதிக்கிற தொழில் முனைவோர். பெருமையா இருக்கு!''

    - சரளமாகப் பேசுகிறார் திருச்சியைச் சேர்ந்த ஹேமமாலினி. முகத்தில் இருந்த புன்னகை, பேச்சை முடிக்கும்வரை மாறவே இல்லை!

    ''நான் பிறந்தது, வளர்ந்தது எல்லாம் திருச்சிதான். மூணு அண்ணன், மூணு அக்கா, கடைசி தம்பி, நான்னு... மொத்தம் எட்டுப் பேரு எங்க வீட்டுல. நான் ஆறாம் வகுப்புப் படிக்கறப்ப... அம்மா இறந்துட் டாங்க, ப்ளஸ் டூ படிக்கறப்ப அப்பாவ பறிகொடுத்துட்டேன். அண்ணன்களும், அக்காக்களும்தான் என்னையும் தம்பியும் எந்தக் குறையும் தெரியாம பார்த்து வளர்த்தாங்க. நான் படிப்பை நிறுத்திட்டு, வீட்டு நிர்வாகத்தைப் பார்த்துக்கிட்டேன். கூடப் பிறந்தவங்க எல்லாருமா சேர்ந்து 22 வயசுல எனக்கு திருமணத்தை முடிச்சாங்க.


    என் வீட்டுக்காரர் விஜயகுமார், பிஸினஸ் பண்றார். லலித் கல்யாண், நவீன்னு எங்க ரெண்டு பசங்களும் வளர வளர, வருமானத்தையும் அதிகரிக்க வேண்டிய கட்டாயம். ஏதாவது பிஸினஸ் செய்யலாம்னு மனசுல ஒரு இழை ஓட ஆரம்பிச்சது. ஒரு கட்டத்துல என் தேடல் முழுக்க அதை நோக்கியே இருந்தது. பார்க்கறவங்ககிட்ட எல்லாம் இதைப் பண்ணலாமா, அதைப் பண்ண லாமானு கேட்டுட்டே இருப்பேன். அப்போ என் தம்பி மணிகண்டன்தான், மிதியடி தொழிலைப் பத்தி சொன்னான். 'ரிஸ்க் எடுக்காதே'னு கணவர் தயங்கினார். ஆனா, இந்தத் தொழில் பத்தின மேலும் விவரங் களைத் தெரிஞ்சுட்டு வந்து அவர் கிட்ட சொல்ல, என் தேடலும் தன்னம்பிக்கையும்... அவரை சம்மதிக்க வெச்சுது.

    ஏற்கெனவே 'பாரதியார் மகளிர் சுயஉதவிக் குழு’ உறுப்பினரா இருந்த எனக்கு, அங்க கிடைச்ச வெளி அனுபவங்கள் தொழிலைத் தொடங் குறதுக்கான தன்னம்பிக்கையைத் தர, பிஸினஸை ஆரம்பிச்சேன். தம்பிதான் திருச்சி மாவட்டத் தொழில் மையத் தோட அறிமுகத்தை ஏற்படுத்திக் கொடுத்தான். அடுத்ததா, தமிழ்நாடு மகளிர் தொழில் முனைவோர் சங்கம் மூலமா பிஸினஸ் சம்பந்தமான தொடர்புகளை வளர்த்துக்கிட்டேன். தயாரிச்ச கால் மிதியடிகளை திருச்சி ஆர்.கே. டிரஸ்ட்ல விற்பனை செய் தேன். நல்ல வரவேற்பு. என் வெற்றியைப் பார்த்து சுயஉதவிக் குழு பெண்களும் இந்தத் தொழிலைச் செய்ய முன்வந்தாங்க. 24 பெண் களுக்கு நானே பயிற்சி கொடுத்தேன்'' எனும் ஹேமமாலினி, பல பெண் களுக்கு தன் அனுபவத்தில் தொழில் முன்னேற்றத்துக்கான வழிகாட்டியாக வும் இருக்கிறார். இதுவரை 11 பெண்களுக்கு கனரா வங்கி மூலம் கடனுதவி பெற உதவியிருப்பது குறிப்பிடத்தக்கது. இந்த அக்கறைக்கான பாராட் டாக.. திருச்சி மேயரிட மிருந்து 'வெற்றிப் பெண் மணி’ விருதைப் பெற்று இருக்கிறார் ஹேமமாலினி.


    ''ஆரம்பத்தில் 15 ஆயிரம் ரூபாய் முதலீட்டில் ஒரு மெஷின் வாங்கினேன். திருப்பூர் பனியன் கம்பெனிகளின் வேஸ்டேஜ் துணிகளை 1 கிலோ 25 ரூபாய்னு, 1,000 கிலோ வாங்கி வந்தேன். குறைந்த பட்சம் ஒரு மணி நேரத் துக்கு 4 மேட் வீதம், ஒரு நாளைக்கு 30 மேட் நெய்யலாம். 16 செ.மீ அகலம், 29 செ.மீ நீளம் கொண்ட ஒரு மேட் 25 ரூபாய்னு விலை போகும். ஆரம்பத்தில் தனியாளா நெய்து, சீரா வித்துட்டே இருந்தேன். வீட்டு உப யோகப் பொருள்ங்கறதால, விற்பனை வாய்ப்பு நல்லாவே இருக்க... ஆர்டர் களையும், உற்பத்தியையும் கொஞ்சம் கொஞ்சமா அதிகமாக்கினேன். வரு மானமும் வளர்ந்துச்சு. இப்போ எங்கிட்ட நாலு மெஷின் இருக்கு. நாலு பேர் வேலை பார்க்கிறாங்க. செலவு போக... 10 ஆயிரம் லாபமா கிடைக்குது. இன்னும் ஆர்டர்கள அதிகப்படுத்தினா, வருமானமும் கூடும்''

    - ஹேமமாலினியின் முகத்தில் பெரு மிதம்.
    ''வெளியுலகமே தெரியாத நான், இன்னிக்கு இவ்வளவு தன்னம்பிக்கை யோட இருக்கேன்னா, அதுக்குக் காரணம் என் வீடுதான். வெளிச்சத்துக் கான வழி காட்டினான் என் தம்பி. தொழில் வேலைகளா நான் அலைஞ்சுட்டு இருக்கும்போது, 'நீ போம்மா பசங்கள நான் பார்த்துக்குறேன்...’னு என்னை அனுப்பி வைப்பார் மாமனார் கலிய ராஜன். ஆரம்பத்தில் அனுமதி கொடுத்த தோட தன் கடமை முடிஞ்சதுனு இருந்த கணவர், இப்போ தன் வேலைகளை முடிச்சுட்டு வந்து, எனக்கும் பிஸினஸ் வேலைகள் பார்த்துக் கொடுக்கிறார். இவங்க எல்லாரும் துணைக்கு இருக்கும்போது, தொழிலை அடுத்த கட்டத்துக்கு கொண்டுபோறது சிரமமா என்ன..? படிப்படியா அதுக்கான வேலைகளில் இறங்கணும்!''

    - தெளிந்த திட்டம் வைத்திருக்கிறார் ஹேமமாலினி!

    ________________________________________
    உதவி பெற்றோம்!​


    ஹேமமாலினியின் வழிகாட்டலில், திருச்சியில் கனரா வங்கியிடம் கடன் பெற்றுத் தொழில் தொடங்கியிருப்பவர்களின் வரிசை... புவனேஸ்வரி, சம்பூரணம், கீதா, கலைச்செல்வி என நீள்கிறது. அனைவரின் வார்த்தைகளிலும் நன்றியும், நம்பிக்கையும்!

    ''பாரதியார் மகளிர் சுயஉதவிக் குழுவுல இருந்தப்போ, என்னோட பணத்தேவையை ஹேமமாலினிகிட்ட புலம்பினேன். அவங்கதான் நடைமுறைகளைச் சொல்லித் தந்து, கனரா வங்கியில 25 ஆயிரம் ரூபாய் கடன் வாங்கித் தந்தாங்க!'' என்று சொல்லும் புவனேஸ்வரி, தற்போது சாம்பார் பொடி பிஸினஸ் செய்கிறார்.

    ''வாழ்க்கையில எங்க ஒவ்வொருத்தருக்கும் ஒவ்வொரு வகையில பணப்பிரச்னை. அதையெல்லாம் சமாளிக்க சுயதொழிலை கையில எடுக்க வேண்டிய கட்டாயம். அதுக்கான பயிற்சியை முடிச்சுட்டு, தொழில் தொடங்க அடுத்து என்ன பண்றதுனு தெரியாம முழிச்சுட்டு இருந்தோம். அப்பதான், 'ஹேமமாலினிகிட்ட உதவி கேட்டுப் பாரு...’னு தோழிகள் மூலமா தகவல் கிடைச்சுது. அவங்ககிட்ட போய் நின்னதுமே... லோனுக்குத் தேவையான அறிக்கைகளை எல்லாம் ஏற்பாடு பண்ணச் சொல்லித் தந்து, எங்கள நேரடியா கூட்டிட்டுப் போய் லோன் வாங்கித் தந்தாங்க. இப்போ எங்க வாழ்க்கை நல்லாயிருக்கு!'' என்கிறார்கள் மேட் பிஸினஸில் ஈடுபட்டிருக்கும் கீதா, கலைச்செல்வி, சம்பூரணம்!
     
    Last edited by a moderator: Sep 2, 2016
     
  2. nila

    nila Contributor New wings

    Messages:
    2,839
    Likes Received:
    37
    Trophy Points:
    48
    hi Rawalika,

    thanks for sharing d article
     
     
  3. rosetamil1

    rosetamil1 Contributor

    Messages:
    2,484
    Likes Received:
    15
    Trophy Points:
    0
    Hi Rawalika,

    Thanks for sharing Womens success article.:s4389:
     
     
  4. harini

    harini Wings New wings

    Messages:
    390
    Likes Received:
    52
    Trophy Points:
    28
    hi rawalika

    thanks for sharing nice article
     
     
  5. Rawalika

    Rawalika Contributor

    Messages:
    3,022
    Likes Received:
    29
    Trophy Points:
    0
    உன்னாள் முடியும் பெண்ணே

    உன்னாள் முடியும் பெண்ணே

    Thanks to Vikatan

    பிஸினஸ் வெற்றிக் கதைகள்
    ஓர் இல்லத்தரசியின் பிஸினஸ் கிராஃப்

    [​IMG]


    [TABLE="width: 50, align: left"]
    [TR]
    [TD]
    [/TD]
    [/TR]
    [/TABLE]
    'சுயஉழைப்பில், சொந்தமாக சம்பாதிக்க விடாமல், சமையலறைக்குள் எங்களை முடக்குகிறார்கள்' என்பதுதான், ஆண்கள் மீது, பெண்கள் பலரும் குவிக்கும் கோபமும் குற்றச்சாட்டும்! திருமணமான புதிதில், இதே கோபம்தான் தேவகிக்கும். ஆனால், கணவர் பாலமுருகன் ஆணாதிக்க மனோபாவத்தில் இருந்து வெளிநின்று, ''ஏதாச்சும் சுய தொழில் செய். நான் துணைக்கு நிற்கிறேன்!'' என்று காட்டிய பச்சைக் கொடி... இன்றைக்கு தேவகியை பல படிகள் உயர்த்தி வைத்திருக்கிறது!

    தேனி மாவட்டம், பெரியகுளம் தேவகி - பாலமுருகன் தம்பதியை அவர்களுடைய வீட்டில் சந்தித்தபோது... ''பேராசிரியை வேலைதான் என் கனவு. கவர்மென்ட் வேலை பார்க்கற மாப்பிள்ளைங்கிறதால, நான் டிகிரி முடிச்சதுமே 'நல்ல வரன்’னு சொல்லி, கல்யாணம் கட்டி வெச்சுட்டாங்க. என் கனவெல்லாம்... கனவாகவே போக, கொஞ்ச நாள்லயே 'படிச்ச படிப்பை மூட்டை கட்டிட்டு, இப்படி சட்டி, பானை சுரண்டுறதுலயே என் வாழ்க்கை கழியப் போகுதா? அஞ்சுக்கும் பத்துக்கும்கூட கடைசி வரை உங்க கையதான் எதிர்பார்த்து காலத்தை ஓட்டணுமா..?’னு அந்த ஆதங்கத்தை அவர்கிட்டயும் வெளிப்படுத்தினேன்.

    அவர், எந்த கோவமும்படல. 'உன் கையிலயும் சுய வருமானம் வரணும்னு நீ நினைக்கிறது சரிதான். ஆனா, ஆயிரத்துக்கும், ரெண்டாயிரத்தும் தனியார் நிறுவனத்துல வேலைக்குப் போறதைவிட, ஏதாச்சும் சுயதொழில் தொடங்கு. நானே உதவி செய்றேன்’னாரு. பெரியகுளத்துல ஐஸ்க்ரீம் பார்லரும் வெச்சுக் கொடுத்தார். அப்புறம் கொஞ்சநாள் எல்.ஐ.சி. ஏஜென்ட், இப்போ பேப்பர் கப் தொழில்ல லாபம் பார்க்கற முத லாளினு என் பயணத்துல அவர்தான் வழித்துணை!''

    - பெருமை பொங்குகிறது தேவகி முகத்தில்.

    ''ஐஸ்க்ரீம் கடைக்கான இடத் துக்கு ஐம்பதாயிரம், கம்பெனிக்கு இருபதாயிரம்னு முன்பணம் கொடுத்து, இவர்தான் பஜார்ல கடை வெச்சுக் கொடுத்தார். கோடையில ஓரளவு ஓட்டம் இருக்கும். பிறகு, படுத்துக்கும். ஃப்ரிட்ஜ், கரன்ட் பில், வாடகைனு கொடுக்கறதுக்கு கைகாசை செலவழிக்க வேண்டிய நிலை. நானே விருப்பப்பட்டு கடையை வெச்சதால, இழுத்து மூடறதுக்கு பயந்துக்கிட்டு, நகையை அடகு வெச்சு கடையை ஓட்டினேன். ஒருகட்டத்துல நிலைமை அவருக்குத் தெரியவர... நான் பயந்த மாதிரி என்னைக் குத்திக்காட்டி பேசல. 'சரி விடு... அடுத்து ஏதாச்சும் முயற்சி பண்ணலாம்!’னு அனுசரணையா பேசினார். அடுத்த முயற்சிக்காக காத்திருந்தேன்'' எனும் தேவகிக்கு... நண்பர் மூலமாக திறந்திருக்கிறது அடுத்த கதவு.


    ''குடும்ப நண்பர் செல்லபாண்டி, 'உன் மனைவி தேவகிகிட்ட பேச்சுத் திறமை இருக்கு. எல்.ஐ.சி. முகவரா போகலாமே?’னு ஐடியா கொடுத்தார். ஆனா, ஏற்கெனவே சந்திச்ச தோல்வியால நான் தயங்க, இவரோ... பணத்தைக் கட்டி பரீட்சை எழுத வெச்சார். நானும் பாஸ் ஆயிட்டேன். ஆரம்பத்தில் தடுமாறினாலும், அஞ்சே வருஷத்தில் மாசம் நாற்ப தாயிரம் கிடைக்கற அளவுக்கு பாலிஸிதாரர்களைப் பிடிச்சு, எல்.ஐ.சி. கிளப் மெம்பர் ஆயிட்டேன். 'குண்டுச் சட்டிக்குள்ளயே குதிரை ஓட்ட நினைக்காம, சொந்தக்காரங்களை விட்டுட்டு புதிய மனுஷங்ககிட்ட பழகி பாலிஸி எடுக்க முயற்சி பண்ணு’னு என் கணவர் குட்டின குட்டுதான் இந்த வெற்றிக்குக் காரணம்'' எனும் தேவகி, அடுத்து எடுத்த அதிரடி முடிவுக்கும் ஆதரவளித்திருக்கிறார் கணவர்!


    ''ரெண்டாவது பையன் வளர்ற வரைக்கும் வீட்டிலேயே இருந்தேன். அவன் ஸ்கூலுக்குப் போக ஆரம்பிச்சதுக்கு அப்புறம், 'எல்.ஐ.சி மூலம் சராசரி மாத வருமானம் வர்றது போதும். இனி யும் அதையே தொடராம, புதுசா ஏதாச்சும் தொழில் செய்ய லாமா..?’னு வீட்டுக்காரர்கிட்ட கேட்டேன். 'இந்த முறை நான் பணம் கொடுக்க மாட்டேன். ஆனா... உன்கூட இருந்து வேலை களைப் பார்த்துத் தர்றேன்’னு சொன்னார். இப்படி, சம்மதமா... சம்மதம் இல்லையானு ரெண்டுக்கும் நடுவாந்திரமா அவர் சொன்ன பதிலால... 'இந்த முறை ஏற் கெனவே இழந்ததையும் சேர்த்து சம்பாதிச்சே தீரணும்'ங்கற உறுதியோட இருந்தேன்'' என்றவர், பேப்பர் கப் தொழிலைத் தேர்ந்தெடுத்திருக்கிறார்.

    ''இந்தத் தொழிலைப் பத்தி முதல்ல ஆதி முதல் அந்தம் வரை தெரிஞ்சுக்கோனு பேப்பர் கப் தொழில் செய்திட்டிருந்த நண்பர்களை அறிமுகப்படுத்தினார். சிவகாசிக்குப் போய் தொழிலைப் பழகிட்டு வந்தேன். பேக்கிங் செய்ய மட்டும் துணைக்கு ஆள் இருந்தா போதும், ஒரே ஆளா பேப்பர் கப் தொழில் செய்யலாம்னு புரிஞ்சுக்கிட்டேன். எல்.ஐ.சி-யில சம்பாதிச்சு வெச்சிருந்த காசோட... வங்கி லோனும் வாங்கி, ஏழு லட்ச ரூபாய்ல சீனா தயாரிப்பு மெஷினை இறக்குமதி செய்தேன். ஒரே ஆளா தொழிலை ஆரம்பிச்சேன்.
    வேலை பிழிஞ்சு எடுக்கும். 'ஏம்மா இப்படிக் கஷ்டப்படுற..? எல்லாரும் என்னைதான் குற்றம் சொல்லப் போறாங்க’னு அவர் ரொம்ப வருத்தப் படுவார். 'சும்மா டி.வி-யை பார்த்துக்கிட்டு, வீட்டில் தூங்கி தூங்கி உடம்பை பெருக்க வெச்சு, ரத்தக் கொதிப்பு, சர்க்கரை நோய்னு வந்து ஆஸ்பத்திரிக்கு செலவு செய்றவங்களோட புழுத்துப்போன விமர்சனத்தை காதில் வாங்கிட்டு வந்து, எங்கிட்ட சொல்லாதீங்க’னு அழுத்தமா நான் சொன்னத புரிஞ்சுக்கிட்டார்'' என்றவர்,

    ''ரெண்டு வருஷத்துக்கு முன்ன இந்தத் தொழிலைத் தொடங்கினப்போ, கேரளாகாரங்க ஆர்டர் கொடுத்த 250 மில்லி கப் ஐம்பதாயிரத்தை தயாரிச்சு டெலிவரிக்கு ரெடி பண்ணிட்டு இருக்க, முல்லை - பெரியாறு பிரச்னை பூதாகாரமா கிளம்பி, மாதக்கணக்கா அடங்கல. தொழிலைத் துவக்கின வுடனே இப்படி முடங்கிட்டோமேனு வீட்டுல யும் சரி, வெளியிலயும் சரி... நான் யார்கிட்டயும் முகம் கொடுத்துக்கூட பேசல. அப்பவும் என் வீட்டுக்காரர்தான் ஆறுதல்படுத்தினார். 'நீ தேர்ந்தெடுத்திருக்கிற தொழில் மிகச்சரியானது, காலத்துக்கு ஏற்றது. பேப்பர் கப் இன்னிக்கு விற் கலைனா, நாளைக்கு விற்கலாம். இது ஒண்ணும் அழுகிப் போயிடாது. தெம்பா இரு’னு சொன்னது அந்த நேரத்துல எனக்கு நிறைய தைரியம் தந்தது. அவர் சொன்னதுபோலவே முல்லை - பெரியாறு பிரச்னை முடிஞ்சவொடன, தயாரித்த கப்புகள் எல்லாம் டெலிவரி ஆனது. தொழிலும் கொஞ்சம் கொஞ்சமா வளர்ந்தது. இப்போ பெரிய பெரிய நிறுவனங்கள்கிட்ட நானே தொடர்பு கொண்டு என்னோட தயாரிப்புப் பற்றி சொல் லுறேன், இ-மெயிலில் ஆர்டர் வாங்குறேன்.

    ஆரம்பத்துல, 'பணம் கொடுக்க மாட்டேன்’னு வீட்டுக்காரர் சொன்னப்ப எனக்கு கோவம்தான். ஆனா, நான் அஜாக்கிரதையா இருந்துடக் கூடா துனு, என் பணத்தையே முதலீடு பண்ண வெச்சு, கூடுதல் பொறுப்போட நான் செயல்படத்தான் இப்படி சொன்னார்ங்கிறது தெரிஞ்ச போது... அவர் மேல மரியாதை கூடிடுச்சு'’ என்றவர், தனக்கு வந்த அலைபேசி அழைப்பை எடுத்து, ''இருபதாயிரம் கப் உடனே டெலிவரி வேணுமா? நாளைக்கு என் அக்கவுன்ட்ல பணத்தை போட்டு ருங்க... நாளைக்கே டெலிவரி செய்துடறேன்!'' என தேர்ந்த பிஸினஸ் உமனாகப் பேச, பெருமை யோடு பார்த்துக் கொண்டிருந்தார் பாலமுருகன்!
     
     
  6. Jeyanthi Padmanabhan

    Jeyanthi Padmanabhan Contributor New wings

    Messages:
    6,250
    Likes Received:
    172
    Trophy Points:
    48
    Hi Rawalika,

    Very nice article... Thanks for sharing...
     
     
  7. anuarun

    anuarun Contributor

    Messages:
    3,857
    Likes Received:
    15
    Trophy Points:
    0
    Hi Rawalika,
    Thnxs for the article.
     
     
  8. SLK

    SLK Wings New wings

    Messages:
    669
    Likes Received:
    6
    Trophy Points:
    18
    Thanks Rawalika for the wonderful thread and the motivational articles..
     
     
  9. book lover

    book lover Wings New wings

    Messages:
    355
    Likes Received:
    3
    Trophy Points:
    18
    Hi Friends,

    I like to add some fro

    பிசினஸ்...100. சூப்பர் டிப்ஸ்..-வீட்டிலிருந்தே சம்பாதிக்க




    பிசினஸ்...100. சூப்பர் டிப்ஸ்...








    சூப்பர் டிப்ஸ்...
    ''அம்மா, நான் படிக்கறதை நிறுத்திட்டு, பிசினஸ் பண்ணி சம்பாதிக்கப் போறேன்!''

    ''என்னது... படிப்பை நிறுத்தப் போறியா...? படிக்கறது

    நாலாங்கிளாஸ். அதை நிறுத்திட்டு என்ன பிசினஸ் பண்ணிக் கிழிக்கப் போற?''
    ''மூணாங்கிளாஸ் பசங்களுக்கு டியூஷன் எடுக்கப்போறேன்!''

    - என்ன... படித்ததுமே 'குபுக்' என்று சிரிப்பு பொங்கிக் கொண்டு வருகிறதா? கூடவே, இந்த 'எஸ்.எம்.எஸ்' ஜோக் புறப்பட்டதன் அடிநாதம்... இந்த உலகமே பிசினஸ் எனும் ஒரு புள்ளியை மையமாக வைத்துதான் சுழன்று கொண்டிருக்கிறது என்பதும் புரிந்திருக்குமே!

    ஆம், எடுத்ததெல்லாம் பிசினஸ் என்பதாகிக் கொண்டிருக்கும் 'பிசினஸ் பெருங்காலத்தில்' நாம் வாழ்ந்து கொண்டிருக்கிறோம். ஆதிமனிதனின் மட்பாண்டத்தில் ஆரம்பித்து, இன்றைய இன்டர்நெட் வரை எதை எடுத்தாலும் பிசினஸ்தான். இத்தகைய சுற்றுச்சூழலில் வாழ்ந்து கொண்டிருக்கும் உங்களுக்கு, தோள் கொடுக்கும் உற்ற தோழிதான் இனி படையெடுக்கும் அத்தனை டிப்ஸ்களும்!

    இணையதளம்...அது உங்கள் களம்!

    1. விளம்பரத்துறை அளிக்கும் வாய்ப்புகள் எக்கச்சக்கம். கற்பனை வளம்மிக்க வாசகங்கள் எழுதுவோர் 'ஃப்ரீலான்சர்' (Freelancer) என்ற வகையில் காப்பிரைட்டராக விளம்பர ஏஜென்சிகளுடன் பணியாற்றலாம். மிகப்பெரிய நிறுவனங்கள்கூட அவர்களுடைய தமிழ் விளம்பரங்களில் ஏடாகூடமாகத் தடுமாறியிருப்பதை அடிக்கடி காண முடியும். இதிலிருந்தே நல்ல தமிழ், கற்பனை வளம், சந்தைப்படுத்துதல் பற்றிய புரிதல்... இவை மூன்றும் இருப்பவர்களுக்கு எத்தனை வாய்ப்புகள் உள்ளன என்பதைப் புரிந்து கொள்ளலாம். Freelance Jobs India - Outsource projects for web graphic, fashion designer, writer in USA, United States, America என்ற இணையதளத்தில் நம்மைப் பற்றிய தகவல்களைப் பதிவு செய்வது இப்படிப்பட்ட வாய்ப்புகள் நம்மைத் தேடிவர உதவும்.

    2. ஒரு குறிப்பிட்ட நிறுவனத்தின் இணையதளத்தை, இணையத்தில் பிரபலமாக்கும் வித்தைதான் எஸ்.இ.ஓ. (SEO-Search Engine Optimisation) அதிகம் பிரபலமாகாத... ஆனால், வேகமாக வளர்ந்து வரும் துறை இது. முறையான பயிற்சி பெற்றால், துணிந்து களம் இறங்கலாம், இணையவெளிக்குள்! இதைப் பயிற்றுவிக்கும் இணையம் மூலமாகவே ஏகப்பட்ட நிறுவனங்கள் உள்ளன. நல்ல நிறுவனங்களைத் தேர்ந்தெடுப்பது முக்கியம்!

    3. வலைப்பூ... ஒரு வரப்பிரசாதம். அதாங்க நெட்ல பிளாக் எழுதுவது. 'பொழுது போகாதவர்களின் இணைய விளையாட்டு அது!' என்ற எண்ணம் உங்களுக்கு இருந்தால் அதை இப்போதே மாற்றிக் கொள்ளுங்கள். ஒரு குறிப்பிட்ட துறை சார்ந்த வல்லுநராக நீங்கள் இருந்தாலோ, அல்லது குறிப்பிட்ட எந்த விஷயத்தின் மீதாவது தீவிர ஆர்வம் உடையவராக இருந்தாலோ இன்றே தொடங்குங்கள் ஒரு வலைப்பூ. போதுமான அளவு பார்வையாளர்கள் உங்கள் வலைப்பூவுக்கு உருவாகிவிட்டால், தங்கள் நெட்வொர்க்கில் வந்து இணையுமாறு உங்களுக்கு அழைப்பிதழ் அனுப்பப் போவது யார் தெரியுமா... சாட்சாத் கூகுள்! ஆம், தன்னுடைய வாடிக்கையாளர்களின் விளம்பரத்தை உங்கள் வலைப்பூவில் கூகுள் கொண்டு வந்து சேர்க்கும். இதற்கு பிரதிஉபகாரமாக, தன்னுடைய விளம்பர வருமானத்தில் உங்களுக்கு விகிதாச்சார பங்கு வைக்கும் கூகுள்! இதை மட்டுமே முழுநேரத் தொழிலாக செய்து காசு பார்ப்பவர்கள் அயல்நாடுகளில் எக்கச்சக்கம்.

    4. Franchise Opportunities | Franchise Business Opportunities | Franchises for Sale - Franchise India போன்ற இணையதளங்களுக்குப் போய் பாருங்கள். சொற்ப முதலீட் டில் பெரிய நிறுவனங்களின் பிரான்சைஸ் வாய்ப்புகள் குவிந்திருப்பதைக் காணலாம். இதில் உங்களுக்கு ஆர்வமிருக்கும் துறையில் வாய்ப்பைத் தேர்ந்தெடுத்து, நன்கு விசாரித்துத் தொழில் தொடங்கலாம்.

    5. இபே (ebay) போன்ற நம்பிக்கையான வலைதளங்களில் பொருட்களை வாங்கி விற்பது ஒரு லாபகரமான வேலை. சிறிது நாள் இந்த 'இபே' செயல்பாடுகளை உன்னிப்பாகக் கவனித்தபின் களத்தில் இறங்குவது நல்லது.

    6. வெப் டெவலப்பர் – இப்போதைய ஹாட் வேலைகளில் ஒன்று. வீட்டில் இருந்தபடியே தனியாருக்குத் தேவையான வலைதளங்கள் உருவாக்கு வதுதான் இந்த வேலையே. இணையத்தில், இதற்கென இருக்கும் பகுதிகளில் உங்களைப் பற்றி ஒரு விளம்பரம் கொடுத்தால் வேலை தேடி வர வாய்ப்பு உண்டு.

    7. 'புரூஃப் ரீடிங்', 'எடிட்டிங்' போன்ற வேலைகளைச் செய்வதற்கு இப்போது நிறைய ஆட்கள் தேவைப்படுகிறார்கள். அதிலும், வீட்டில்இருந்தபடியே செய்யத் தயாராக இருந்தால் வரவேற்பு நன்றாகவே இருக்கும். பத்திரிகை அலுவலகங்கள், பதிப்பகங்களுடன் தொடர்பு வைத்துக் கொண்டால்... வாய்ப்புகள் கிடைக்கும்.

    8. டைப்பிங் நன்றாகத் தெரிந்தால் டேட்டா என்ட்ரி வேலை செய்யலாம். வீட்டில் இருந்தபடியே ஆவணங்களை கம்ப் யூட்டரில் டைப் செய்து ஏற்ற வேண்டும். பெரும்பாலும் அதுதான் வேலை. இந்த வேலைக்காக ஆள் கேட்டு பேப்பரில் வரும் விளம்பரங்களில் தொடர்புகொண்டு பணி தேடலாம். அதோடு, நிறுவனத்தின் நம்பகத்தன்மையை ஏற்கெனவே பணி செய்பவர்களிடம் உறுதி செய்வதும் முக்கியம்.

    9. வீட்டில் நான்கு கம்ப்யூட்டர் வைக்க இடமிருந்தால் போதும்... குழந்தைகளுக்கு கம்ப் யூட்டர் பயிற்சி கொடுக்கும் தொழிலை ஆரம்பிக்கலாம். அளவான வருமானத்துக்கும், உங்களின் பொழுது போக்குக்கும் இது உத்தரவாதம்.

    10. கம்ப்யூட்டர் ஹார்ட்வேர் தெரிந்தால்... வீட்டிலேயே ரிப்பேர் கடை ஒன்றை ஆரம்பிக்கலாம். கம்ப்யூட்டர்தான் என்றில்லை... எந்தெந்த துறையில் எல்லாம் ரிப்பேர் பார்க்கும் திறமை உங்களுக்கு உண்டோ, அதிலெல்லாம் நுழையலாம்.

    வீடே தொழிற்பேட்டை!

    உங்கள் வீட்டைச் சுற்றி டெய்லரிங் கடைகள், ஹேட்டல்கள், நூற்றுக்கும் மேற்பட்ட வீடுகள், பெரிய அபார்ட்மென்ட்கள் என்று இருந்தால், ஏகப்பட்ட வாய்ப்புகள் காத்திருக்கின்றன.

    11. வீட்டுக்கு அருகில் டெய்லரிங் கடை இருந்தால், பட்டன் தைத்தல், ஹெம்மிங் செய்தல், எம்ப்ராய்டரி என்று துணைத்தொழில்களை அவர்களிடம் இருந்து கேட்டுவாங்கி செய்து கொடுக்கலாம்.

    12. ஹோட்டல்கள் மிகுந்த ஏரியா என்றால்... இலை மற்றும் தண்ணீர் சப்ளை செய்வ தற்கான வாய்ப்பை கேட்டுப் பெறலாம். சில ஹோட்டல் களில் மசாலா அரைத்துத் தருவது, பாத்திரம் கழுவித் தருவது போன்ற வேலைகளையே கான்ட்ராக்ட் ஆக தருகிறார்கள். ஆர்வம் இருப்பின் ஆட்களை வைத்துக் கொண்டு அதையும் முயற்சிக்கலாம்.

    13. கடை வீதியாக இருந்தால், பல கடைகளுக்கு வாசல் பெருக்கி தண்ணீர் தெளிக்க வேண்டிய வேலை இருக்கும். இதையும் கான்ட்ராக்ட் ஆக எடுத்து செய்தால்.. அதிலிருந்து ஒரு லாபத்தைப் பார்க்கலாம்.

    14. வீட்டுக்குக் குறைந்த பட்சம் இரண்டு செல்போன் வைத்திருப்பார்கள். அதனால் ரீ-சார்ஜ் கூப்பன்கள் வாங்கி வைத்து வியாபாரம் செய்யலாம். மொத்தமாக நீங்கள் ரீ-சார்ஜ் கூப்பன் வாங்கும்போது சம்பந்தப்பட்ட செல்போன் நிறுவனத்திடம் இருந்து கமிஷன் கிடைக்கும்.

    15. மொத்த விலையில் பாக்கெட் பால் வாங்கி, நீங்களாகவோ அல்லது ஆள் வைத்தோ வீடு வீடாக பால் சப்ளை செய்யலாம். வீட்டில் எப்போதும் ஸ்டாக் வைத்திருந்தால் தேவைப் படுபவர்களுக்கு விற்கலாம். தயிர், மோர், தண்ணீர் கேன் மற்றும் பாக்கெட் மாவு போன்றவற்றை விற்பனை செய்தால் கூடுதல் லாபம்.வீட்டிலேயே போதுமான இடவசதி இருந்தால்... குழந்தைகளுக்குரிய புத்தகங்களை வைத்து வாடகை நூலகம் நடத்தலாம்.

    16. அண்டை வீட்டுப் பெண்களின் புடவைகளை சேகரித்து, நாமே டிரைவாஷ் செய்து தரலாம். அல்லது டிரைவாஷ் கடைகள் மூலம் செய்து தந்து அதற்கான கமிஷனைப் பெற்றுக் கொள்ளலாம்.

    17. அண்டை வீடுகளில் அலுவலகம் செல்பவர்களாக இருந்தால், அவர்களுடைய மின்சாரம், தொலைபேசி போன்றவற்றின் கட்டணங்களைச் செலுத்துவது, சமையல் கேஸ் புக் செய்வது போன்ற வேலைகளை செய்து கொடுத்து கமிஷன் பெறலாம்.

    18. வெட்டிங் பிளானர் என்பது திருமணங்களுக்குத் தேவையான அனைத்தையும் ஏற்பாடு செய்து கொடுக்கும் பணி. திருமண அழைப்பிதழ் எங்கே அச்சடிக்கலாம் என்று தொடங்கி, என்ன மாதிரியான சாம்பார் வைப்பது என்பது வரை பிளான் பண்ணும் வேலை. திறமையான சிலர் வேலைக்கு இருந்தால் மொத்தமாக ஆர்டர் பிடித்து நல்ல லாபம் ஈட்டலாம்.

    19. ஒரு வீட்டுக்கு என்னென்ன தேவைப்படும் என்பதை பட்டியலிடுங்கள். அவற்றில் சிலவற்றைச் செய்து தரும் ஏஜென்ஸி போல செயல்படலாம். உதாரணமாக, வீடுகளுக்கு அலாரம் அமைப்பது, கொசு வராமல் ஜன்னல்களில் வலை அடிப்பது இப்படி சில. இதற்கான நிறுவனங்களை இணையதளம் வழியாக கண்டறிந்து மொத்த விலையில் கொள்முதல் செய்து, பின்னர் நிறுவனங்கள், வீடுகளில் கேன்வாஸ் செய்து ஆர்டர் எடுக்கலாம்.

    20. உங்கள் வீட்டில் விசாலமான ஹால் அல்லது எக்ஸ்ட்ரா ரூம் இருந்தால், கம்ப்யூட்டர் கேம் ஆரம்பிக்கலாம். அக்கம் பக்கத்து குழந்தைகளை அழைத்து விஷயத்தைச் சொன்னால்... அந்த ஏரியாவுக்கே விஷயம் ஈஸியாக பரவிவிடும். மணிக்கு இவ்வளவு ரூபாய் என கணக் கிட்டு காசு பார்க்க லாம்.

    கைகொடுக்கும் இயந்திரங்கள்!

    வீட்டிலேயோ அல்லது சிறிய அளவிலான கடையிலேயோ வைத்து பிசினஸ் செய்யும் வகையில் எண்ணற்ற இயந்திரங்கள் இருக்கின்றன. அவற்றில் சில கீழே அணி வகுக்கின்றன. உங்கள் வசதிக்கு ஏற்ப முடிவு செய்யலாம்.

    21. மெழுகுவர்த்தி மெஷின்: 700 ரூபாயில் தொடங்கி 45 ஆயிரம் ரூபாய் வரையிலான விலைகளில் கிடைக்கிறது. சிறிய மெஷினில் ஒரு மணி நேரத்தில் 55 மெழுகுவர்த்திகள் செய்யலாம். ஏற்றுமதி செய்யும்பட்சத்தில் பெரிய மெஷின் வாங்கலாம். இதில் 500 முதல் 1,000 மெழுகுவர்த்திகள் தயாரிக்கலாம்.

    22. சாக்பீஸ் மெஷின்: இதன் விலை 15 ஆயிரம் ரூபாய். நாள் ஒன்றுக்கு 10 கிலோ அளவுக்கு சாக்பீஸ் தயாரிக்கலாம்.

    23. பவுச் மெஷின்: 1 ரூபாய், 2 ரூபாய் என்று விற்பனை செய்யப்படும் ஊறுகாய், வாஷிங் பவுடர், எண்ணெய் போன்ற பொருட்களை சாஷே பாக்கெட்டுகளில் அடைத்துத் தரும் மெஷின் இது. விலை ஒரு லட்சம். 24 மணி நேரமும் தொடர்ந்து இயக்கலாம்.

    24. பாப் கார்ன் மெஷின்: விலை 70 ஆயிரம் ரூபாய். மக்கள் அதிகமாக நடமாடும் பகுதியில் இந்த மெஷினை வைத்து வியாபாரத்தை ஆரம்பித்தால், நல்ல வருமானத்தைப் பார்க்கலாம்.

    25. பேப்பர் கப் மெஷின்: இதில் செமி ஆட்டோமேட்டிக், ஃபுல்லி ஆட்டோமேட்டிக் என இரண்டு வகை இருக்கிறது. ரூ. 5 லட்சம் முதல் 18 லட்சம் வரை விற்கப்படுகிறது (18 லட்ச ரூபாய் கொடுத்து வாங்கும்போது, குறிப்பிட்ட கால அளவுக்கு மூலப்பொருட்களையும் சப்ளை செய்வார்கள். ஒரு வருட வாரன்ட்டியும் உண்டு). இதில், பேப்பர் பேக் கூட தயாரிக்கலாம்.

    26. ஜூட் பேக் மெஷின்: சணல் பைகள், சணல் மிதியடி போன்றவை தயாரிக்கும் மெஷின் இது. 8 ஆயிரம் ரூபாயில் தொடங்கி பல்வேறு விலைகளில் கிடைக்கிறது. 2 மெஷினை வாங்கிப் போட்டு, ஒரு மாஸ்டர், 2 வேலையாட்களை வைத்தால்.. நல்ல லாபம் கிடைக்கும்.

    27. சுற்றுச்சூழல் பாதுகாப்பு, பிளாஸ்டிக் பொருட்கள் பயன்படுத்துவதைக் குறைப்பது போன்றவை இப்போது அதிக முக்கியத்துவம் பெற்று வருகின்றன. சணல் பைகள், பிளாஸ்டிக் பைகளின் இடத்தைப் பிடிக்கத் தொடங்கிவிட்டன. இந்த வணிகம் வளரும் நிலையிலிருக்கும்போதே இதில் நுழைந்து பழகிக் கொண்டால்... பெரிய வருங்காலம் உண்டு (மேலும் விவரங்களுக்கு: ஷ்ஷ்ஷ்.ழீutமீ.நீஷீனீ).

    பள்ளிக்கூடம் அல்லது கல்லூரிகளின் அருகில் நீங்கள் குடியிருந்தால் பல்வேறு வாய்ப்புகள் திறந்து கிடக்கின்றன...

    28. கேன்டீன் ஆர்டர் எடுக்கலாம்.

    29. மாணவர்களை அழைத்துச் செல்வதற்கான ஆட்டோக்கள் வாங்கி வாடகைக்கு விடலாம்.

    30. பள்ளியின் அனுமதியுடன் ஸ்டேஷனரி கடை வைக்கலாம்.

    31. டெய்லரிங் தெரிந்திருந்தால் பள்ளியில் மொத்தமாக ஆர்டர் எடுத்து யூனிஃபார்ம் தைத்துத் தரலாம்.

    32. பள்ளிக்கு உள்ளேயோ அல்லது வெளியிலோ ஜெராக்ஸ் கடை வைக்கலாம். கம்ப்யூட்டர் இருப்பின் பிரின்ட் எடுத்து தரும் வேலையையும் செய்யலாம்.

    33. புத்தகங்களை பைண்டிங் செய்து தரும் வேலை நன்றாக கைகொடுக்கும்.
    m web:
     
     
  10. book lover

    book lover Wings New wings

    Messages:
    355
    Likes Received:
    3
    Trophy Points:
    18
    34. இப்போதெல்லாம் பள்ளிகளில் கிராஃப்ட் வேலைகளுக்கு அதிக முக்கியத்துவம் தரப்படுகிறது, நீங்கள் ஓரளவுக்கு அதில் கில்லாடி எனில், அக்கம் பக்கமிருக்கும் பெற்றோர், தங்கள் குழந்தைகளுக்குக் கற்றுத் தரச்சொல்லி உங்களை மொய்க்க ஆரம்பித்துவிடுவார்கள்.

    பயிற்சியிலேயே பணம் பார்க்கலாம்!

    35. 'நேர்மறை சிந்தனை, போதுமான பேச்சுத்திறன், தமிழ் மற்றும் ஆங்கில அறிவு... இதெல்லாம் எனக்கு உண்டு!' என்பவர்களை, மனிதவளத்துறை சிவப்புக் கம்பளம் விரித்து வரவேற்கிறது. உங்கள் பேச்சைக் கேட்டு இதுவரை உங்கள் நட்பு வட்டம் மட்டுமே உத்வேகம் அடைந்திருக்கும். இனி, அதை உங்கள் தொழில் அடையாளமாக மாற்றிக் கொண்டு சுற்றுப்புறத்திலிருக்கும் பள்ளிகளை முதலில் அணுகுங்கள். கல்லூரி அளவில் பர்சனாலிட்டி டெவலப்மென்ட், கம்யூனிகேஷன் ஸ்கில்ஸ் போன்றவற்றைப் பிரித்து மேய்வதற்கு பெரிய பெரிய புலிகள் இருக்கும்போது, பள்ளிகளில் இதற்கான முயற்சிகள் பெருமளவில் நடைபெறுவதில்லை என்பதே உங்களுக்கான வாய்ப்பு திறந்தே இருக்கிறது என்பதற்கு அடையாளம். ஆளுமை வளர்ச்சி பற்றிய டிப்ஸ், குட்டிக் குட்டி நீதிக் கதைகள் எனத் தொடங்கி சிறப்பான ஒரு பவர்பாயின்ட் பிரசன்டேஷனைத் தயார் செய்யுங்கள். நியாயமான சிறு தொகைக்கு பயிற்சி வகுப்பு எடுத்து, வாய்ப்புகள் உங்களைத் தேடி வரும்படி செய்யுங்கள். முதல் மூன்று அல்லது நான்கு பள்ளிகள் தான், பிறகு உங்கள் டைரி எப்பவுமே ஹவுஸ்ஃபுல்தான்!

    36. பெரிய நிறுவனங்கள் தங்கள் ஊழியர்களின் திறமையை மேம்படுத்த பல்வேறு டிரெய்னிங் புரோக்ராம்களை நடத்துகின்றன. மென்கலைகள், கம்யூனிகேஷன், ஆங்கில உச்சரிப்பு போன்றவை சில உதாரணங்கள். நல்ல தெளிவான ஆங்கிலம் இருந்தால் இத்தகைய டிரெய்னிங் நடத்தித் தரும் நிறுவனங்களில் சேர்ந்து பணியாற்றலாம். தேவைப்படும்போது மட்டும் நிறுவனங்களுக்குச் சென்று டிரெய்னிங் கொடுக்க அழைப்பார்கள். மற்ற நேரங்களில் வீட்டிலேயே இருக்கலாம்.

    37. செல்லப் பிராணிகளைக் கவனிப்பது, அதற்குப் பயிற்சி கொடுப்பது... இவையெல்லாம் நகர்ப்புறங்களில் நல்ல வருவாய் தரக்கூடிய பணி. ஒரு மணி நேர பயிற்சிக்கு சராசரியாக 200 ரூபாய் கிடைக்கும். அருகிலுள்ள பெட் ஷாப் மற்றும் வெட்னரி டாக்டர்களின் தொடர்பு எல்லையில் இருப்பது இதற்கு கைகொடுக்கும்.

    38. சத்தமே போடாமல் சாதித்துக் கொண்டிருக்கிறது மொழிபெயர்ப்புத் துறை, பிரெஞ்சு, ஜெர்மன், ஜப்பானிய மொழிகளில் பயிற்சி எடுத்துக் கொண்டால்... உள்நாட்டு மொழிபெயர்ப்பு முதல் பன்னாட்டு நிறுவன வாய்ப்புகள் வரை வாய்க்கும். சென்னையில் இருக்கும் அல்லயன்ஸ் பிரான்ஸ் (பிரஞ்சு மொழிக்கு), மேக்ஸ்முல்லர் பவன் (ஜெர்மன் மொழிக்கு) ஆகிய நிலையங்களில் இதுபற்றிய வழிகாட்டுதல் கிடைக்கும்.

    ஏற்றம் தரும் ஏஜென்ஸிகள்!

    39. கல்லூரி மாணவர்களுக்குத் தேவையான பாடப் புத்தகங்களை வாடகை சேவை மூலமாக அளிப்பது நல்லதொரு சுயதொழில். 'புத்தகங்களை நகலெடுப்பதைவிட, மலிவான வாடகைக்கு கிடைக்கிறதே' என்று மாணவர்களும் மொய்ப்பார்கள். இதில் ஆர்வமுடையவர்கள், எம்.வி. புக் பேங்க் போன்ற தென்னிந்திய அளவில் செயல்படும் புத்தக வங்கிகளை அணுகி, அவர்களின் ஏஜென்ஸியாக சுயதொழில் தொடங்கலாம்.

    40. வீட்டில் இணையதள வசதியிருந்தால்... ரயில் மற்றும் பேருந்துக்கான டிக்கெட் முன்பதிவு செய்து தரும் ஏஜென்ஸியை ஆரம்பிக்கலாம்.

    41. உங்கள் பகுதியில் சுற்றுலா முக்கியத்துவம் இருந்தால்... டூர்ஸ் அண்ட் டிராவல்ஸ் ஏஜென்ட் ஆக மாறிவிடலாம். கையிலிருந்து முதலீடு போட்டு வாகனமெல்லாம் வாங்கித்தான் இதைத் தொடங்க வேண்டும் என்பதில்லை. சரியான நெட்வொர்க்கிங் திறன் இருக்கும்பட்சத்தில், லோக்கல் வாடகை வண்டி ஆபரேட்டர் களையே பயன்படுத்திக் கொள்ளலாம். அவர்களுக்கும் வேலை கிடைத்த மாதிரி ஆகிவிடும்.

    42. ஹெல்த் இன்ஷுரன்ஸ் பற்றிய விழிப்பு உணர்வு போது மான அளவில் இல்லை. ஆனால், தேவை இருக்கிறது. 'எந்த ஹெல்த் இன்ஷுரன்ஸ், தானே மருத்துவமனைக்குப் பணத்தை செலுத்தும் வசதி கொண்டது' என்பது போன்ற தகவல்களையெல்லாம் கையில் வைத்துக் கொண்டு ஹெல்த் இன்ஷுரன்ஸ் ஆலோசகராகக் கலக்கலாம். இன்ஷுரன்ஸ் கம்பெனிகள் தரும் கமிஷன், உங்களுக்குக் கைகொடுக்கும்.

    43. ஹெல்த் இன்ஷுரன்ஸ் ஆலோசனைகளைத் தேடி வருவோரிடம்... வாகன இன்ஷுரன்ஸ், பயண இன்ஷுரன்ஸ் என அத்தியாவசிய இன்ஷுரன்சுகளை அறிமுகப்படுத்தலாம். கூடவே... வருமான வரி திட்டமிடுதல், ஆண்டு முதலீட்டுத் திட்டங்கள் என நம் சேவை தளங்களை மேலும் விரிவுபடுத்தினால் கூடுதல் லாபம்தான்!

    44. இன்ஷுரன்ஸ் ஏஜென்ட் நல்ல வருமானம் தரக்கூடியத் தொழில். தொடர்புகளும், பேச்சுத் திறமையும்தான் முதலீடு. மாதம் ஒன்றுக்கு லட்ச ரூபாய் சம்பாதிக்ககூடிய ஏஜென்ட்கள்கூட நாட்டில் உள்ளனர். ஏஜென்ட் ஆவதற்கானப் பயிற்சியை இன்ஷுரன்ஸ் நிறுவனங்களே தருகின்றன. உங்கள் ஊரிலிருக்கும் எல்.ஐ.சி. கிளையின் மேனேஜரை அணுகினால் வழிகாட்டுவார்கள்.

    45. கார்ப்பரேட் நிறுவனங்களுக்கு தேவைப்படும் கேட்டரிங் சேவை, புத்தகங்கள், காபி ஷாப் உள்பட ஏ டு இசட் சேவைகள் (மின்சார பில் கட்டுதல், டெலிபோன் பில் கட்டுதல்) போன்ற ஏரியாக்களை மூன்று நான்கு பெண்கள் ஒரு குழுவாக இணைந்து செய்து தரலாம். விசிட்டிங் கார்டு தயாரித்துக் கொண்டு தேவையுள்ளவர்களை சந்தித்து வாய்ப்புக் கேட்டால்... வெற்றி நிச்சயம். அது தொடர்பான இடங்களில் சிறிது காலம் பணியாற்றி அனுபவம் பெறுவது நல்லது.

    46. ஏதேனும் வாங்க வேண்டும் என சிலரும், எதையேனும் விற்கவேண்டும் என சிலரும் தினமும் அல்லாடுவார்கள். இவர்கள் இருவருக்கும் தேவை ஒரு ஏஜென்ஸி. அதை நீங்களே ஆரம்பிக்கலாம். 'நெட்வொர்க்' எவ்வளவு விரிவாக... நம்பிக்கையாக இருக்கிறது என்பதன் அடிப்படையில் பிசினஸ் களைகட்டும்.

    கலையிலும் கலக்கல் வருமானம்!

    47. அனிமேஷன் துறை, புயல் வேகத்தில் வளர்ந்து வருகிறது. இத்துறையில் பயிற்சி தருவதற்கு சிறியது முதல் பெரிய நிறுவனங்கள் வரை போட்டி போடுகின்றன. உள்ளுக்குள் ஊறியிருக்கும் படைப்புத் திறனை இவற்றில் மெருகேற்றிக் கொண்டால், முயற்சி திருவினையாக்கும்! அனிமேஷன் படிப்புக்கான குறுகியகால படிப்புகள் உள்ளன. விநாடி அடிப்படையில் வருமானத்தைக் கொட்டும் தொழில் இது.

    48. ஸ்க்ரீன் பிரின்ட்டிங், ஃபேப்ரிக் பிரின்ட்டிங் போன்ற தொழில்கள் தொடங்க அதிகம் முதலீடு தேவையில்லை. ஒன்று அல்லது இரண்டு வார பயிற்சி போதும். ஸ்க்ரீன் பிரின்ட்டிங்கில் பொதுவாக விசிட்டிங் கார்டுகள், திருமண அழைப்பிதழ்கள் என்று பிசியாகவே இருக்க முடியும். ஃபேப்ரிக் பிரின்ட்டிங்கைப் பொறுத்தவரை பெண்களுக்கான உடைகள் விற்கும் கடைகளோடு நல்ல தொடர்பினை ஏற்படுத்திக் கொள்வது வளர்ச்சிக்கு உதவும்.

    49. ஓவியம், கார்ட்டூன் போடும் கலை உங்களுக்கு வாய்த்திருக்கிறதா? பத்திரிகை அலுவலகங்கள் மற்றும் அதன் உதவி ஆசிரியர்கள் மற்றும் முதுநிலை ஆசிரியர்களுடன் மின்னஞ்சல், கடிதம் வழியாகத் தொடர்பு கொண்டு வாய்ப்புக் கேட்டு முன்னேறலாம்.

    50. 'கிளாஸ் பெயின்ட்டிங்' இப்போது மிகவும் பாப்புலர். நல்ல கவன சக்தி இருந்தால் போதும் கண்ணாடி பெயின்ட்டிங்கில் கலக்கலாம். இன்ட்டீரியர் டிசைனரோடு தொடர்பில் இருந்தால் வாய்ப்புகள் தேடி வரும்.

    51. ஃபேஷன் ஜுவல்லரி உருவாக்குவது இப்போதைக்கு சூப்பர் பிசினஸ். வேலையில் இருக்கும் பெண்கள்கூட ஓய்வு நேரங்களில் இதில் இறங்கி காசு பார்க்கிறார்கள். இதற்கான பயிற்சி நிலையங்கள் எக்கச்சக்கமாக உள்ளன. நகரங்களில் இதற்கென தனிக் கடைகள் உள்ளன.

    52. ஃபேஷன் டிசைனிங்... வீட்டில் இருந்தபடியே செய்யக் கூடிய ஒரு நல்ல வேலை. நல்ல கற்பனை வளமும், உலக ஞானமும் இருந்தால் இதில் சாதிக்கலாம். ரெடிமெடு ஆடை நிறுவனங்களில் நிறைய வாய்ப்பு உள்ளது.

    53. வீட்டு ஜன்னல் களுக்கு அழகழகாக கர்ட்டன் செய்து போடுவது ஒரு நல்ல கலை. சிறப்பாக வடிவமைக்க முடிந்தால்... அது ஒரு நல்ல தொழிலாகிவிடும். கொஞ்சம் டெய்லரிங், கொஞ்சம் கலையுணர்வு இரண்டும் இருந்தால்... நிறைய சம்பாதிக்கலாம்.

    54. பொம்மை செய்வது பெண்களுக்கு எளிதான ஒரு பணி. பொம்மை உருவாக்கும் கம்பெனிகளிடமிருந்து ஆர்டர் பெற்று வீட்டிலேயே பொம்மைகளைத் தயாரிக்கலாம். அக்கம் பக்கத்து கடைகளிலேயே ஆரம்பகட்ட ஆர்டகளை கணக்கிட்டு, தொழிலைத் தொடங்கலாம்.

    55. ஹேண்டி கிராஃப்ட் தொழிலில் நீங்கள் வல்லவர்கள் என்றால், நீங்கள் செய்த பொருட்களோடு சென்னையில் இருக்கும் காதி கிராஃப்டை அணுகுங்கள். அங்கே மிக குறைந்த விலையில் உங்கள் பொருட்களை வைப்பதற்கு இடம் தருவார்கள். வருபவர்களின் பார்வை உங்கள் பொருளில் பட்டால் லக் உங்களுக்குதான்.

    ஊட்டம் தரும் உணவு பிசினஸ்!

    56. அலுவலகவாசிகளின் மிகப்பெரிய சிக்கலே வீட்டுச் சாப்பாடுதான். கேன்டீன், ஹோட்டல் என சாப்பிடும்போது பர்ஸ் காலியாவதோடு... வயிறும் பதம்பார்க்கப்படுகிறது. இவர்களை குறி வைத்து வீட்டுச் சாப்பாடு விற்பனையில் இறங்கினால்... கொடி கட்டலாம். ஒரு இடத்தில் வைத்து விற்பதானாலும் சரி, வேலையாள் மூலமாக அலுவலக வாசல்களில் விற்பதானாலும் சரி... சிறந்த வருவாய் தரக்கூடிய வேலை. வீட்டுக்கு அருகில் இருக்கும் அலுவலகங்களில் ஆர்டர் பிடிப்பதன் மூலம் பிள்ளையார் சுழி போடலாம்.

    57. பிறந்த நாள் கேக் போன்றவை செய்வது சுவாரஸ்யமான வேலை. கேக் டெகரேஷன் பண்ணுவதே ஒரு கலை. அதைக் கற்றுக் கொண்டால் இதில் பிரகாசிக்கலாம். அருகிலுள்ள பேக்கரி, ஹோட்டல் போன்றவற்றை அணுகுவது பயனளிக்கும்.

    58. சமையலில் நீங்கள் கில்லாடி எனில், சமையல் பள்ளி ஒன்றை ஆரம்பித்தால்... சக்கை போடு போடலாம். சமைக்கத் தெரியாத பார்ட்டிகள்தான் இப்போது அதிகம் என்பதால்... உங்கள் அக்கம் பக்கத்து வீட்டு பெண்களே குவிய ஆரம்பித்துவிடுவார்கள்! புதுமையான விஷயமாகவும் இருக்கும்.

    59. வீட்டில் கொஞ்சம் இடம் இருந்தால்... மினி பேக்கரி நடத்தலாம். இனிப்புவகைகள், முறுக்கு வகைகள் என ஆரம்பித்து... இடம், பொருள் அறிந்து செயல்பட்டால் விரிவாகவே பிசினஸை டெவலப் செய்ய முடியும்.

    60. ஒரு ஜூஸ் ஷாப் ஆரம்பிக்கலாமே... முதலீடு கொஞ்சம் போதும். ஓரளவுக்கு மக்கள் நடமாட்டம் உள்ள இடமாக இருக்கவேண்டும். நாலு பேருக்கு உங்கள் கடை ஜூஸ் பிடிக்கும் வரைதான் போராட்டம். பிறகு, ஆட்கள் தேடி வருவார்கள்.

    61. மாலை நேர திடீர் கடை ஆரம்பித்து சூப், பிரட் ஆம்லெட், சாண்ட்விட்ச், சாலட் தயாரித்து விற்றுப் பாருங்கள். நல்ல ஆள் நடமாட்டமுள்ள பகுதியெனில் வியாபாரம் சூடு பிடிக்கும்.

    62. இயற்கை உணவுகள் பற்றி பெரிதாக பலரும் பேச ஆரம்பித்திருக்கும் நேரமிது. கேழ்வரகு கூழ், கம்பங்கஞ்சி என்று சுத்தம் சுகாதாரமாக ஒரு கடையைப் போட்டுப் பாருங்கள்.... ஈஸியாக கல்லா நிறையும்.

    மார்க்கெட்டிங்குக்கு மரியாதை!
     
     
Loading...

Share This Page